more
>Geremia est fueddendi cun Elia
Elia: Insaras mi ddu prestas centu Eurus?
Geremia: No potzu. Seu in crisi.
Elia: Porca misèria no sciu comenti fai. Ita mi consillas?
Geremia: Prova a ddu domandai a Paulu, s’amigu miu.
Elia: Ma si mancu mi conoscit.
Geremia: Est pròpiu po cussu chi fortzis ti ddu podit prestai!
...........................................................................................................................
Sergiu est sètziu in pratz’e Cresia discutendi cun Eziu
Eziu: No parrit berus. Seu andau a ti circai a domu tua e nanca fiasta dromiu.
Sergiu: E ita depu fai? A mesudì?
Eziu: M’at nau pobidda tua ca ses sempri crocau: Ma poita ddu fais?
Sergiu: Ddu fatzu poita ca no sciu abarrai chene fai nudda!
.............................................................................................................................
Unu Arburesu, unu Guspinesu e unu Casteddàiu si funt incontraus po organizai unu spuntinu
S’arburesu: Insaras deu arregollu su call’e crabitu e su pani.
Su guspinesu: E inveci deu arregollu su sartitzu e su casu.
Su casteddàiu: E deu inveci, ci portu a fradi miu, ca est de bonu apetitu!
...............................................................................................
Marilena est impiegada in ufìciu, ecu ca arribat su diretori
Marilena: Signor Diretori, ddu depu fueddai
Su diretori: Narimì totu signorina Marilena.
Marilena: Mi depit aumentai su stipèndiu.
Su diretori: No fait, c’est sa crisi
Marilena: Andat beni. Perou dd’avisu, ca de cras in ufìciu bengu a gonna longa, e mai prus cun sa minigonna.
........................................................................................
Marieddu torrat de scola e fueddat cun sa mamma Santuccia
Santuccia: Ita tenis arrennegau? Ita as pigau votus malus?
Marieddu: No Mamma. Est ca totus mi pigant in giru ca nanca portu sa conca manna manna.
Santuccia: No est berus fillu miu. Ddu faint scèti po ti fai acherpai. Toca, imoi bai a su negotziu de sa fruta e sa birdura e compora una sìndria a de cincu killus.
Marieddu: Ma aundi dda pongu mamma?
Santuccia: Ponidda aintru de su capeddeddu chi portas, ca ge ddoi stait!
.............................................................................................................................
Licia incontrat s’amiga Mariella
Mariella: Apu intèndiu ca ti ses lassada cun su piciocu tuu, ma est berus?
Licia: Certu ca est berus.
Mariella: Ma si no mi sbàliu s’annu passau puru dd’iasta lassau in se mesi de Austu.
Licia: No ti sbàlias, fiat pròpiu in su mesi de Austu.
Mariella: Ma poita ddu lassas sempri in custu mesi?
Licia: A su mancu seu lìbera po mi fai is ferias.
.....................................................................................................................................
Tziu Sarbadori at invitau a papai Turistas Tedescus in su medau, po ddis fai tastai su proceddu arrustu
Tziu Sarbadori: Eco qui, vi faccio mangiareil porceddu arrosto, profumato con folas de murta.
Is turistas: (mangiando con voracità) Molto buono, buono, buono molto.
Tziu Sarbadori: Allora piaciuto molto il porceddu?
Is turistas: Si tanto, molto. Solo, che avere trovata la verdura molto dura dura.
.................................................................................................................................
Leandru est torrau de una gita e ndi fueddat cun s’amigu Lellu
Lellu: E Insaras spassiau ti ses in sa gita?
Leandru: Tropu.
Lellu: Aundi eis papau? In Ristoranti?
Leandru: Maché. Eus papau “Al sacco” in campagna?
Lellu: Al Sacco? Ma comenti est andada?
Leandru: Tropu bellu. Pensa, ca po s’apetitu, si seus papaus po fintzas su sacu!
.................................................................................................................................
Giobata est morrendusì e sa pobidda Tersilia est acanta de su letu
Tersilia: Nara Giobata as disigiau calincuna cosa?
Giobata: Eja. Prima de mi morri, bollu fai una telefonada.
Tersilia: Ma a chi bolis telefonai?
Giobata: A nemus.
Tersilia: E insaras poita bolis sprecai una telefonada?
Giobata: Poita apu intèndiu in sa televisioni, ca “Una telefonata allunga la vita”.
Tersila: Mi dispraxit meda po tui caru Giobata, ma no teneus prus telèfunu fissu e su telefoninu ddu tengu scàrrigu!
....................................................................................................................................
Unu gelatàiu est chistionendi cun dd’unu imbriagoni
Su gelatàiu:Càstia apu giai lassau scritu ca si mi morru bollu essi cremau.
S’imbriagoni: Insaras andu a domu e ddu lassu scritu deu puru.
Su gelatàiu: Ca ti fais cremai tui puru?
S’imbriagoni: No ddu creu no!
Su gelatàiu: E tui ita lassas scritu si ti morris?
S’imbriagoni: Lassu scritu, de mi fai imbutilliai!
..................................................................................................................................
Arseniu at tzerriau un agrònomu
S’Agrònomu: Poita m’at fatu tzerriai? Ita problemas tenit?
Arseniu: In s’ortu tengu una mata de bananas.
S’agrònomu: E ita c’intru deu?
Arseniu: Mi depit agiudai.
S’agrònomu: Insaras, spieghimì cali est su problema.
Arseniu : Custa mata mi fait is bananas deretas, chene curvas, e totus in bidda mi pigant in giru e si ponint a arrì candu passant acanta de s’ortu.
S’agrònomu: Insaras andaus a biri ita si podit fai.
Arrivati all’orto di Arsenio
S’agrònomu: Apu cumprèndiu cali est su problema de custa mata.
Arseniu: Bellu. Insaras, nerimì luegus ita depu fai.
S’agrònomu: Depit fai unu sacrifìciu.
Arseniu: Seu dispostu a totu. Nerimì totu.
S’agrònomu: Ndi depit segai sa mata e su piricocu chi est acanta de sa mata de sa banana! Est po culpa de sa mata de su piricocu chi is bananas bessint deretas!
...................................................................................................................................
Adelaide est in s’ambulatòriu de dotor Corroveri
Dotor Corroveri: Comenti stait, signorina Adelaide?
Adelaide: Mali, m’increxit in dònnia logu, in dònnia punt’e ossu.
Dotor Corroveri: Insaras spollissì, ca dda vìsitu.
Adelaide: No, spollissì prima fostei. Ca a mei mi ndi parrit bregùngia!
..............................................................................................................................
Cicitu comenti se dònnia merì est in pratza de Crèsia fueddendi cun s’amiguspPensionaus
Cicitu: Osatrus no nc’eis a crei, ma deu a is fèminas a letu, ddas fatzu ancora sonniai.
Is pensionaus: Buuummm. Cicitu: Certu. A pena si crocant si dromint luegus!
..................................................................................................................................
Ciprianu incontat s’amigu Costanzu
Costanzu: Ge s’est prexiadeddu. Ita tenis arrennegau?
Ciprianu: Chi ti parrit nudda su chi m’est capitau.
Costanzu: E ita balla t’est sucèdiu?
Ciprianu: Seu pinnicau a domu, e apu agatau a filla mia crocada spollinca cun dd’unu Cinesu.
Costanzu: Céssu t‘arrori. E no ddas nau nudda?
Ciprianu:E ita ddi podia nai! Deu su Cinesu, no ddu sciu fueddai!
© Riproduzione riservata